Անվանում՝ «Ա․Դ․Սախարովի անվան մարդու իրավունքների պաշտպանության հայկական կենտրոն» ՀԿ (այսուհետ՝ Կազմակերպություն)

Դրամաշնորհային ծրագրի անվանում և համար՝ «Մարդու իրավունքների պաշտպանություն ևքաղաքացիական հասարակության հզորացում» N-ARM-2025-3032

Հասցե՝ՀՀ, Երևան, 0009, Իսահակյան 28, շենք 3

Հեռ․(+374) 10 587864

Էլփոստի հասցե՝armsakhfd@gmail.com

Ամսաթիվ՝16.06.2025թ․

Թեմա՝ Ծառայությունների մատուցման գնային առաջարկի հայթայթում

Հայտարարություն

«Ա․Դ․Սախարովի անվան մարդու իրավունքների պաշտպանության հայկական կենտրոն» ՀԿ փնտրում է ակտիվ երեք անհատների, որոնք պատրաստ են միանալ մեր թիմին և «Մարդուիրավունքներիպաշտպանությունևքաղաքացիականհասարակությանհզորացում» դրամաշնորհային ծրագրի շրջանակում իրականացնել Կազմակերպության հետազոտական-վերլուծական կենտրոնի (ՀՎԿ) համակարգողների գործառույթները։

Կարող են դիմել Շիրակի, Գեղարքունիքի և Սյունիքի մարզերում (Գյումրի, Գավառ, Գորիս) բնակվող և հետաքրքրված անձինք։

Դիմողներն իրենց գնային առաջարկները կարող եք ներկայացնել հետևյալ ծառայությունների մատուցման համար․

Ծառայության անվանումը՝

• Մարդու իրավունքների և/կամ ՔՀԿ-ների ոլորտներին վերաբերող տարբեր թեմաներով հետազոտական և վերլուծական աշխատանքների իրականացում։
• Վերլուծական-հետազոտական աշխատանքներ իրականացնելիս հարցումների կազմում և ներկայացում պատկան մարմիններին կամ կառույցներին։
• ՀՀ մարզի (Շիրակ, Գեղարքունիք և Սյունիք) երիտասարդ վերլուծող-հետազոտողների հետ աշխատանքի կազմակերպում և աջակցություն (նրանց մասնակցությամբ սեմինարների, քննարկումների, համայնքային միջոցառումների կազմակերպում)։
• ՀՀ մարզի (Շիրակ, Գեղարքունիք և Սյունիք) փորձագետների տվյալների հավաքագրում և նրանց մասնակացությամբ քննարկումների կազմակերպում (էլեկտրոնային բանկի ստեղծում)։
• ՀՀ մարզի (Շիրակ, Գեղարքունիք և Սյունիք) ՀԿ-ների և ՔՀԿ-ների և համայնքահեն այլ կառույցների մասին տվյալների հավաքագրում և այդ տվյալների պարբերական թարմացում (էլեկտրոնային բանկի ստեղծում)։
• Մեթոդական նյութերի մշակում և ներկայացում Ծրագրի համակարգողին։
• Հետազոտական և վերլուծական աշխատանքների պատրաստում (հայերեն) և ներկայացում Ծրագրի ղեկավարին և համակարգողին։

Ծառայությունների մատուցման ժամանակահատված՝

2025 թվականի հուլիսի 1-ից մինչև 2027թ․մարտի 31-ը ներառյալ։

Պայմանագրի տեսակը՝Ծառայությունների վճարովի մատուցման պայմանագիր, վճարումը փուլային եղանակով։

Պահանջներ՝

• Բարձրագույն կրթություն
• Համապատասխան մասնագիտական փորձ (պահանջվող ծառայությունների մասով)
• Վերլուծական կարողություններ և հաղորդակցման հմտություններ
• Հայերենի բանավոր և գրավոր գերազանց իմացություն
• Անգլերեն լեզվի բավարար իմացություն
• Կարգապահություն և պատասխանատվության բարձր մակարդակ
• Թիմում աշխատելու ունակություն
• Փորձ հասարակական կազմակերպությունների և/կամ ՔՀԿ-ների և միջազգային կազմակերպությունների հետ
• MS Office (Word, Excel) ծրագրի իմացություն։ Այլ ծրագրերի տիրապետումը կդիտարկվի առավելություն

Գնային առաջարկների ներկայացման ձևաչափը՝

• Ծառայության համառոտ նկարագրությունը։
• Գնային առաջարկ (ըստ ծառայությունների՝ միավոր գներով, ԱԱՀ ներառյալ, եթե կիրառելի է, աղյուսակի տեսքով)։
• Ինքնակենսագրություն /հայերեն կամ անգլերեն/։
• Պահանջվող ծառայությունների ոլորտում ունեցած փորձի համառոտ նկարագրություն։
• Կատարված վերլուծությունների վերնագրերը կամ տվյալ աշխատանքի հրապարակումների կայքէջերի հասցեները։

Գնային առաջարկի ներկայացման վերջնաժամկետը՝

2025 թվականի հունիսի 27-ը ներառյալ։

Գնային առաջարկները խնդրում ենք ուղարկել հետևյալ էլ․փոստի հասցեին՝ armsakhfd@gmail.com։

Վերնագրում նշել՝ ՀՎԿ-անուն-ազգանուն-մարզի անվանումը։

«Ա.Դ. Սախարովի անվան մարդու իրավունքների պաշտպանության հայկական կենտրոն» հասարակական կազմակերպությունը խիստագույնս դատապարտում է ՀՀ վարչապետ Նիկոլ Փաշինյանի կողմից սույն թվականի մայիսի  29-ից մինչ օրս սոցիալական մեդիայում Ամենայն Հայոց Կաթողիկոսի և Հայաստանյայց Առաքելական Սուրբ Եկեղեցու բարձրաստիճան հոգևորականների նկատմամբ դրսևորվող վերաբերմունքը:

Հայաստանյայց Առաքելական Սուրբ Եկեղեցին Հայաստանի Հանրապետությունում ճանաչվում է որպես ազգային եկեղեցի (ՀՀ Սահմանադրության 18-րդ հոդված), որն  իր բացառիկ առաքելությունն է իրականացնում հայ ժողովրդի հոգևոր կյանքում՝ ապահովելով մշակութային զարգացում  և ազգային ինքնության պահպանություն:

Հայաստանի Հանրապետությունում եկեղեցին անջատված է պետությունից, և միմյանց հետ հարաբերություններում պետությունն ու եկեղեցին փոխադարձաբար կրում են միմյանց կառավարմանն ու գործունեությանը չմիջամտելու պարտավորություն («Խղճի ազատության և կրոնական կազմակերպությունների մասին» ՀՀ Օրենք 17-րդ հոդված): Հայաստանի Հանրապետությունը ճանաչում է Հայաստանյայց Առաքելական Սուրբ Եկեղեցու ինքնակառավարումն իր նվիրապետության սահմաններում («Հայաստանի Հանրապետության և Հայաստանյայց Առաքելական Սուրբ Եկեղեցու հարաբերությունների մասին» ՀՀ օրենքի 2-րդ հոդված, մաս 2):

Սակայն օրեր շարունակ սոցիալական մեդիայում ՀՀ Վարչապետի կողմից կատարված գրառումներում օգտագործվող բառապաշարն ու խոսույթը ոչ միայն խախտում են պետության ու եկեղեցու փոխհարաբերությունների հավասարակշռությունը,  այլ նաև արատավորում են հենց իր՝ պետության կառավարումն իրականացնող հարնային պաշտոնյայի օրինակելի կերպարը:

Հանրային պաշտոն զբաղեցնող անձինք պարտավոր են սթափ պահել հանրությանը ծառայելու գիտակցումը, բարեկիրթ վերաբերմունք ցուցաբերել բոլոր այն անձանց նկատմամբ, որոնց հետ շփվում են իրենց լիազորություններն իրականացնելիս և  դրսևորել պաշտոնին վայել վարքագիծ («Հանրային ծառայության մասին» ՀՀ Օրենքի 22, 25-րդ հոդվածներ):

Հայ հասարակության ժամանակակից իրավագիտակցությունն ու հոգևոր զարգացվածությունը պահանջում է, որ օրենքին կամ եկեղեցական կարգերին հակասող յուրաքանչյուր արարք պատշաճ գնահատականի արժանանա բացառապես իրավասու մարմինների կողմից՝ դրանց քննության իրակացման կանոններին ու սկբունքներին համապատասխան:

Ուստի իրավական և ժողովրդավարական պետություն հանդիսացող Հայաստանի Հանրապետությունում կարծիքի արտահայտման ազատությունը չի կարող գերակա լինել պետական անվտանգության, բարոյականության, անձի արժանապատվության, պատվի, բարի համբավի կամ այլ հիմնական իրավունքների ու ազատությունների նկատմամբ:

 Այսպիսով, հիմք ընդունելով վերոգրյալը հույս ենք հայտնում, որ ՀՀ Վարչապետը և Հայաստանի Հանրապետությունում հանրային պաշտոն զբաղեցնող անձինք կհարգեն ՀՀ Սահմանադրությունն ու օրենքները, կդադարեցնեն հասարակությանը բևեռացնող գործողությունները, կառաջնորդվեն մարդու արժանապատվության անխեխտելիության սկզբունքով և կկատարեն միայն այնպիսի գործողություններ, որոնց համար լիազորված են Սահմանադրությամբ կամ օրենքներով:

«Ա․Դ․Սախարովի անվան մարդու իրավունքների պաշտպանության հայկական կենտրոն» հասարակական կազմակերպություն

«Ա․Դ․Սախարովի անվան մարդու իրավունքների պաշտպանության հայկական կենտրոն» հասարակական կազմակերպությունը մեկնարկում է UDF-23-988-ARM «Երիտասարդների ներգրավումը տեղական ինքնակառավարման գործում Հայաստանում» ծրագիրը, որը ֆինանսավորվում է ՄԱԿ-ի Ժողովրդավարության հիմնադրամի կողմից։

Ծրագրի նպատակն է գյուղական համայնքներում հզորացնել երիտասարդներին՝ բարձրացնելով նրանց առաջնորդության, լավ կառավարման և մարդու իրավունքների պաշտպանության կարողությունները: Կստեղծվեն վեց ակտիվ երիտասարդական խմբեր երեք մարզերում՝ ապահովելով գենդերային հավասարություն և համայնքի կարիքների մասնակցային գնահատում: Դրա հիման վրա կստեղծվի զեկույց, որը կներկայացնի գործնական առաջարկություններ: Ծրագրով երիտասարդական խմբերի կողմից նաև կիրականացվեն համայնքի զարգացման վեց նախաձեռնություններ՝ յուրաքանչյուր համայնքում ներառական և սոցիալական կենսունակ տարածքներ ստեղծելու համար:

Ծրագրի տևողությունը՝ 1 մայիսի 2025թ․ - 31 հոկտեմբերի 2026թ․

• «Ա․Դ․Սախարովի անվան մարդու իրավունքների պաշտպանության հայկական կենտրոն» ՀԿ-ը հայտարարում է քաղաքացիական հասարակության կայացման գործընթացներին աջակցելու նպատակով ենթադրադրամաշնորհների տրամադրման մրցույթ։ 
• Մրցույթին կարող են մասնակցել միայն այն հասարակական կազմակերպությունները, որոնք գործունեություն են ծավալում ՀՀ Շիրակի, Գեղարքունիքի և Սյունիքի մարզերում։ ՀՀ Շիրակի, Գեղարքունիքի և Սյունիքի մարզերի երիտասարդ հետազոտողները կարող են դիմել սույն ծրագրին՝ հայտ-առաջարկը  ներկայացնելով այդ հասարակական կազմակերպությունների միջոցով:
• Ենթադրամաշնորհային մրցույթին մասնակցելու համար անհրաժեշտ է ներկայացնել ծրագիր-առաջարկ, որտեղ պետք է համառոտ նկարագրել, թե ներկայացվող ծրագիրը տվյալ մարզի (համայնքի, բնակավայրի) ո՞ր հիմնախնդրի լուծմանն է ուղղված։
• Ծրագիր-առաջարկում պետք է հստակ ձևակերպել նպատակը և այն խնդիրները (քայլերը), որոնց միջոցով  նախատեսվում է հասնել նպատակին, արդյունքներին ու ազդեցությանը։ Անհրաժեշտ է նկարագրել, թե ովքե՞ր են ծրագրի թիրախ խմբերը (շահառուները), ծրագիրն ինչպիսի դրական փոփոխություն է բերելու նրանց համար և/կամ ինչպիսին է լինելու նրանց մասնակցությունը ծրագրի իրականացման մեջ: 
• Ծրագիր-առաջարկը պետք է ներառի հստակ գործողությունների պլան։
• Յուրաքանչյուր դրամաշնորհի չափը կազմում է մինչև 450,000 ՀՀ դրամ՝ ելնելով ներկայացվող ծրագրի ծավալից և ժամանակացույցից:
• Ծրագրի իրականացման սկիզբն ու ավարտը՝ 01/02/2024թ․-30/04/2024թ․:
• Ծրագիր-առաջարկի ուղենիշը և գերակա թեմաները՝ կից ներկայացված են։
• Պահանջվող հիմնական փաստաթղթերն են՝

1. Լրացված տիտղոսաթերթը,

2. Ծրագիր-առաջարկը,

3. Ծրագրի բյուջեն,

4. ՀԿ-ի պետռեգիստրի վկայականի պատճենը,

5. Ներգրավվող փորձագետի ինքնակենսագրականը (CV),

6․ՀԿ-ի տեղեկատու թերթը։

Սույն մրցույթն անցկացվում է մեկ փուլով։ Մրցույթին մասնակցելու հայտերն ընդունվում են մինչև 2023 թվականի դեկտեմբերի 15-ը ներառյալ։

Հաղթողները էլ․փոստի միջոցով կտեղեկացվեն այդ մասին մինչև 30․12․2023թ․և նրանց կառաջարկվի ներկայացնել իրենց Ծրագրի ամբողջական (ծավալուն) տարբերակը, հստակեցված բյուջեն և ժամանակացույցը:

Ծրագիր-առաջարկը և պահանջվող փաստաթղթերը պետք է ներկայացնել առձեռն՝ Կազմակերպության համապատասխան գրասենյակներ․

• Շիրակի մասնաճյուղի գրասենյակ՝ հասցե՝ Գյումրի, Մ․Մկրտչյան38ա/1, հեռ․094826876, sakharovshirak@gmail.com

• Գեղարքունիքի մասնաճյուղի գրասենյակ՝ հասցե Գավառ, Գր. Լուսավորիչի 14/27, հեռ․094196880, sakhgavar@yandex.com

• Սյունիքի մասնաճյուղի գրասենյակ՝ հասցե Գորիս, Կոմիտասի նրբանցք, տուն 3, հեռ․077879799, sakhgoris@gmail.com

Լրացուցիչ հարցերի դեպքում կարող եք դիմել «Ա․Դ․Սախարովի անվան մարդու իրավունքների պաշտպանության հայկական կենտրոն» ՀԿ ենթադրամաշնորհների տրամադրման հարցերով պատասխանատու Արմեն Պետրոսյանին, հեռ․(+374) 94826876։

Տե՛ս կից հավելվածները։

../files/uploaded/Տիտղոսաթերթ_ծրագիր առաջարկ_ձևաթղթեր.docx

../files/uploaded/Բյուջե_ձևաթուղթ.docx

../files/uploaded/Ենթադրամաշնորհներ_գերակա թեմաներ.docx

15/11/2023թ․

https://drive.google.com/file/d/1VhvK4lBeFjsye9weNQNM7R1dCyjGmp8x/view

../files/uploaded/Kond.pdf

Սախարովի կենտրոնի առաջարկությունները «Քաղաքացիական կացության ակտերի մասին» ՀՀ օրենքում լրացում կատարելու մասին և ՀՀ արդարադատության նախարարությունից ստացված պատասխանները:

Հարգելի պարոն Աղաջանյան

Սույն թվականի փետրվարի 10-ին գրությամբ դիմել էի «Արմենիա» միջազգային օդանավակայաններ» ՓԲԸ-ի գլխավոր տնօրեն Մարսելո Վենդեին՝ «Զվարթնոց» միջազգային օդանավակայանում գործող ավտոկայանատեղի սակագների բարձրացման և մատուցվող ծառայության որակի փոփոխությունների մասին պարզաբանումներ (տեղեկատվություն) ստանալու ակնկալիքով։

Սակայն 2020թ․փետրվարի 14-ի հ․Ելից՝ 56/ADM/20 թվակիր գրությամբ ընկերության տնօրենը հայտնել է, որ պահանջվող տեղեկատվությունն արդեն իսկ հրապարակվել է ընկերության կողմից և հասանելի է հանրությանը, ինչ վերաբերում է մեր գրությամբ բարձրացված մյուս հարցերին, ապա դրանք առևտրային գաղտնիք են, հետևաբար չեն կարող տրամադրվել։

Նկատի ունենալով այն հանգամանքը, որ մեր կազմակերպության կողմից բարձրացված հարցը հանրային նշանակության հարց է, և խոսքը վերաբերում է Զվարթնոց օդանավակայանում գտնվող ավտոկայանատեղիին, որից օգտվում են հազարավոր քաղաքացիներ, հետևաբար, պահանջվող տեղեկատվությունը պետք է իրավական առումով հիմնավորվի և հրապարակային ներկայացվի հանրությանը, թե ինչպիսի՞ փոփոխություններ ու բարելավումներ են արվել կայանատեղիի ծառայության որակի և բովանդակության մեջ, որ ավտոկայանատեղիի սակագները 2020թ․հունվարից փոփոխվել են։

Հետաքրքիր է պպպարզել նաև, արդյո՞ք Հայաստանում ցանկացած մասնավոր ընկերություն իրավունք ունի ինքնուրույն վարել գնային քաղաքականություն և որոշել սակագներ, որոնք ողջամտության սահմաններից դուրս են և իր ծառայությունների որակի մեջ բացարձակ փոփոխություն չի կատարում կամ չի կատարել․այս օրինակում, նույն ընկերությունն է, նույն ավտոկայանատեղին է, նույն պայմանները։ Ենթադրվում է, որ օդանավակայանի այն հատվածը, որտեղ անվճար ավտոկայանատեղի է համարվում, այն փոխհատուցվում է (կոմպենսացվում է)այս վճարովի ավտոկայանատեղիի սակագնի բարձրացման հաշվին, սա խախտում է վճարող սպառողի իրավունքները, փաստորեն նրա հաշվին, անվճար ավտոկայանատեղի է պահվում մասնավոր, շահույթ հետապնդող ընկերության կողմից, սա անարդարացի և ոչ ողջամիտ քայլ է «Արմենիա»միջազգային օդանավակայաններ»ՓԲԸ-ի։

Այս հարցում ակնկալում եմ Ձեր աջակցությունը, հետևաբար, Ձեզ եմ ուղարկում մեր կազմակերպության գրավոր հարցման ու ընկերությունից ստացված պատասխանի պատճենները։ Հուսով եմ, որ ՀՀ կառավարության աշխատակազմը՝ ի դեմս Ձեզ, հետամուտ կլինի, որպեսզի մեր կողմից բարձրացված հարցերն ու մտահոգություններն ըստ էության քննարկման առարկա դառնան և մասնագիտական առումով համալիր վերլուծվեն նաև ՀՀ պետական լիազոր մարմինների կողմից։

Ակնկալում եմ սեղմ ժամկետում ստանալ նաև Ձեր գրավոր պատասխանը, սույն խնդրի վերաբերյալ։

Հարգանքով՝                                                             Լևոն Ներսիսյան

                                                                                 Գործադիր տնօրեն

Սույն նամակի պատասխանը՝ ստորև

../files/uploaded/Արմենիա-միջօդանավակայան-ՓԲԸ-ՏՄՊՊՀ-20072020 (1).pdf

Ա․Դ․Սախարովի անվան մարդու իրավունքների պաշտպանության հայկական կենտրոնը հարցում է իրականացրել Հայաստանում կորոնավիրուսի համավարակով պայմանավորված հեռավար կրթության վերաբերյալ։

Հարցմանը  հիմնականում մասնակցել են Գեղարքունիքի մարզի (68 հոգի) և Շիրակի մարզի (46 հոգի) բնակիչները։  Մի քանիսը մասնակցել են Երևանից, Արցախից, Արմավիրի, Լոռու, Տավուշի մարզերից։

Հարցումն իրականացվել է առցանց և անանուն, ուստի հարցվողները որևէ կերպ կաշկանդված չեն եղել իրենց պատասխաններում։ Ամփոփումն իրականցրել է Սախարովի կենտրոնի Գեղարքունիքի մասնաճյուղը։

Ձեր ուշադրությանն ենք ներկայացնում այդ հարցաթերթը և հարցման ամփոփումը։

Սյունիքի մարզի վերաբերյալ տվյալները կներկայացնենք ավելի ուշ։

Ակնկալում ենք հանրային քննարկում․․․

Սախարովի կենտրոն

../files/uploaded/Հեռավար կրթության հարցման ամփոփում.pdf

../files/uploaded/Հարցաթերթ_Հեռավար կրթություն.pdf