 |
|
|
|
|
|
|
Սյունիքի տարածաշրջանային մասնաճյուղի
ծրագրերը
|
|
|
|
 |
|
|
|
“Ա. Դ. Սախարովի անվան մարդու իրավունքների պաշտպանության հայկական կենտրոն” հասարակական կազմակերպության Սյունիքի մասնաճյուղի կողմից իրականացված ծրագրերը
Անվճար իրավաբանական խորհրդատվություն և փաստաբանական ծառայության մատուցում Սյունիքի մարզի բնակչության անվճարունակ խավին -- ծրագրի նպատակն էր` քաղաքացիների իրավունքների պաշտպանություն: Ծրագիրն իրականացվել է ԱՄՆ-ի “National Endowment for Democracy” կազմակերպության օժանդակությամբ, 1997 թվականի փետրվարի 3-ից մինչև 2005 թվականի սեպտեմբերի 30-ը:
“Իրավական և իրավաբանական աջակցություն Սյունիքի մարզի փախստականների հպատակագրմանը” -- ծրագրի նպատակն էր` իրավական և իրավաբանական աջակցություն Սյունիքի մարզի փախստականների հպատակագրման-ինտեգրման գործընթացին: Ծրագիրն իրականացվել է ՄԱԿ ՓԳՀ Երևանյան գրասենյակի օժանդակությամբ, 2000 թվականի ապրիլի 3-ից մինչև 2004 թվականի դեկտեմբերի 31-ը:
Առաջին ատյանի դատարանների աշխատանքային պայմանների մոնիտորինգ -- ծրագրի նպատակն էր` ՀՀ Սյունիքի մարզի առաջին ատյանի դատարանի աշխատանքային պայմանների մոնիտորինգի իրականացում և հաշվետվության կազմում: Ծրագիրն իրականացվել է ԵԱՀԿ Երևանյան գրասենյակի օժանդակությամբ, 2001 թվականի հուլիսի 1-ից մինչև 2001 թվականի հոկտեմբերի 31-ը:
“Մարդու իրավունքների պաշտպանության և Մարդու իրավունքների մոնիտորինգի իրակա-նացման ուսուցում” -- ծրագրի նպատակն էր՝ նպաստել “Ա. Դ. Սախարովի անվան մարդու իրավունքների պաշտպանության Հայկական կենտրոն” հասարակական կազմակերպության Սյունիքի մասնաճյուղի մարդկային ռեսուրսների հզորացմանը, մասնաճյուղի կամավորների շարքերը իրազեկ, ակտիվ և արհեստավարժ անդամներով համալրման և շահառուների շրջանում տարվող լուսավորչական աշխատանքներում փորձի, հմտությունների ձեռքբերման միջոցով: Ծրագիրն իրականացվել է Համաշխարհային ուսուցում/ Հայաստան կազմակերպության օժանդակությամբ, 2001 թվականի սեպտեմբերի 1-ից մինչև 2002 թվականի օգոստոսի 30-ը:
“Քայլ դեպի քո ապագան” -- Ծրագրի նպատակն էր՝ 2003 թվականի Հայաստանի Հանրապե-տությունում Նախագահական և Ազգային Ժողովի ընտրությունների ընթացքում Սյունիքի մարզի փախստաբնակ մի շարք համայնքների (Ալվանք, Վարդանիձոր, Լեհվազ, Սյունիք, Բագրիկավան, Եղեգ, Խալաջ, Դաստակերտ, Որոտան, Աղիտու, Շաքի) ՀՀ քաղաքացիություն ընդունած փախստականների քաղաքացիական ակտիվության և ընտրական գործընթացների վերաբերյալ իրազեկության աստիճանի բարձրացման միջոցով նպաստել՝ ազատ, արդար և թափանցիկ ընտրությունների կայացմանը: Ծրագիրն իրականացվել է Համաշխարհային ուսուցում/ Հայաստան կազմակերպության օժանդակությամբ, 2003 թվականի փետրվարի 1-ից մինչև 2003 թվականի հունիսի 30-ը:
“21-րդ դարի քաղաքացի” Ծրագրի նպատակն էր՝ մարզի Գորիս և Սիսիան քաղաքների 5 հանրակրթական դպրոցների բարձր դասարանցիների համար ուսուցման համագործակցական մեթոդներով “Մարդու իրավունքներ”առարկայի վերաբերյալ դասընթացների կազմակերպման միջոցով նպաստել` նրանց մեջ մարդու իրավունքների և ազատությունների վրա հիմնված աշխարհայացքի ձևավորմանը: Ծրագիրն իրականացվել է ՙԲաց հասարակության ինստիտուտի օժանդակության հիմնադրամ-Հայաստան՚-կազմակերպության օժանդակությամբ, 2004 թվականի հունվարի 15-ից մինչև 2004 թվականի հուլիսի 15-ը:
“Տեղական ժողովրդավարության զարգացում” Ծրագրի նպատակն էր՝ աջակցել Սյունիքի մարզի փախստաբնակ Շաքի, Սյունիք, Եղեգ, Խալաջ, Վարդանիձոր, Ալվանք համայնքների տեղական ինքնակառավարման ներկայացուցչական մարմնի՝ ավագանու, որպես տեղական ժողովրդավարության հաստատության զարգացմանը, ավագանու անդամների իրազեկության և տեղական ինքնակառավարման գործընթացներում բնակչության մասնակցության աստիճանի բարձրացման միջոցով: Ծրագիրն իրականացվել է Ամերիկայի Միացյալ Նահանգների դեսպանատան օժանդակությամբ, 2005 թվականի հոկտեմբերի 1-ից մինչև 2006 թվականի սեպտեմբերի 30-ը:
”Քաղաքացիական հասարակության դպրոց” -Ծրագրի նպատակն էր՝ աջակցել մարզի սկսնակ հասարակական կազմակերպությունների կարողությունների զարգացմանը: Ծրագիրն իրականացվել է ICCO կազմակերպության օժանդակությամբ, 2004 թվականի հոկտեմբերի 1-ից մինչև 2006 թվականի սեպտեմբերի 30-ը:
”Մարդու իրավունքների պաշտպանությունը հասարակական կազմակերպությունների հզորացման միջոցով” -Ծրագրի նպատակն էր՝ մարդու իրավունքների պաշտպանության իրականացում անվճար իրավաբանական և փաստաբանական ծառայությունների մատուցման միջոցով: Ծրագիրն իրականացվում է “Բաց հասարակության ինստիտուտի օժանդակության հիմնադրամ-Հայաստան” կազմակերպության օժանդակությամբ, 2006 թվականի հոկտեմբերի 1-ից սկսած ընթացքի մեջ է
մինչև 2007 թվականի սեպտեմբերի 30-ը: |
|
|
