Նորությունների Արխիվ

Ա.Դ.Սախարովի անվան մարդու իրավունքների պաշտպանության հայկական կենտրոնը նամակ է հղել Հայաստանի Հանրապետության  նորընտիր նախագահ պարոն Սերժ Սարգսյանին և երկրում տիրող իրավիճակի բարելավման համար առաջարկել. հանձնարարել ՀՀ կրթության և գիտության, ՀՀ մշակույթի, ՀՀ երիտասարդության և սպորտի հարցերի նախարարություններին, Հայաստանի հանրային հեռուստաընկերությանը և իրավապահ մարմիններին՝ Հայաստանյայց Առաքելական եկեղեցու և շահագրգիռ հասարակական կազմակերպությունների հետ համատեղ մինչ 2008-2009 թթ նոր ուսումնական տարվա սկսելը նախապատրաստել համալիր գործողությունների ընդհանուր ծրագիր՝ երիտասարդության մոտ Հայաստանի Հանրապետության Քաղաքացու գիտակցության և բարոյական հիմքերի ձևավորման ուղղությամբ:  

ՀՀ նախագահի 19 փետրվարի 2008թ. ընտրություններում ՀՀ ԿԸՀ-ում հավատարամագրված Ա.Դ.Սախարովի անվան մարդու իրավունքների պաշտպանության հայկական կենտրոնի Երևանյան գրասենյակի դիտորդների կողմից ներկայացվող ընդհանրական հաշվետվություն:

ՀՀ նախագահի 19 փետրվարի 2008թ. ընտրություններում ՀՀ ԿԸՀ-ում հավատարամագրված Ա.Դ.Սախարովի անվան մարդու իրավունքների պաշտպանության հայկական կենտրոնի Գեղարքունիքի տարածաշրջանային մասնաճյուղի դիտորդների կողմից ներկայացվող ընդհանրական հաշվետվություն:

ՀՀ նախագահի 19 փետրվարի 2008թ. ընտրություններում ՀՀ ԿԸՀ-ում հավատարամագրված Ա.Դ.Սախարովի անվան մարդու իրավունքների պաշտպանության հայկական կենտրոնի Շիրակի տարածաշրջանային մասնաճյուղի դիտորդների կողմից ներկայացվող ընդհանրական հաշվետվություն:

Ա. Դ .Սախարովի անվան մարդու իրավունքների պաշտպանության հայկական կենտրոնը դիտորդական առաքելություն կիրականացնի ՀՀ նախագահի 2008թ. փետրվարի 19-ին կայանալիք նախագահական ընտրություններում:

2007թ. Նոյեմբերի 9-ին ՀՀ Վճռաբեկ դատարանի քաղաքացիական պալատը /նախագահությամբ Ա. Մկրտումյանի, դատավորներ Ս. Անտոնյանի, Ս. Գյուրջյանի, Է. Հայրիյանի, Ս. Սարգսյանի/ դռնբաց դատական նիստում, քննելով Սիլվա Խաչատուրովայի վճռաբեկ բողոքը ՀՀ քաղաքացիական վերաքննիչ դատարանի 14.03.2007թ. վճռի դեմ` ըստ Սիլվա Խաչատուրովայի հայցի ընդդեմ "ՎՏԲ-Հայաստան բանկ" ՓԲԸ-ի /նախկինում Հայխնայբանկ/, ՀՀ սոցիալական ապահովագրության պետական հիմնադրամի` ծառայությունների վճարովի մատուցման պայմանագիրն անվավեր ճանաչելու պահանջի մասին և որոշեց վճռաբեկ բողոքը բավարարել: Բեկանել ՀՀ քաղաքացիական վերաքննիչ դատարանի 14.03.2007թ. վճիռը և գործն ուղարկել նույն դատարան` այլ կազմով նոր քննության:
Հ. Գ. Կենսաթոշակառու Ս. Խաչատուրովայի շահերի պաշտպանությունը ՀՀ դատարաններում ստանձնել էր Սախարովի կենտրոնի իրավախորհրդատու-փաստաբան Մ. Խաչատրյանը /մանրամասնությունները տես կայքի ՙՈւղղվածություններ-Իրավական-Գործեր բաժնում:

Պատրաստվել է Սախարովի կենտրոնի տարեկան հաշվետվությունը` “Հանրապետությունում մարդու իրավունքների ու ազատությունների խախտմանը նպաստող հիմնական պատճառների վերաբերյալ”: Այն ուղարկվել է ՀՀ վարչապետին, ՀՀ արդարադատության նախարարին և ՀՀ ազգային ժողով:

Ս.թ. օգոստոսի 1-3-ը տեղի ունեցան Ա.Դ.Սախարովի անվան մարդու իրավունքների պաշտպանության հայկական կենտրոնի հնգամյա ռազմավարական պլանի մշակման գործնական քննարկումներ`  Մեծ Բրիտանիայի INTRAC կազմակերպության և Եկեղեցիների համաշխարհային խորհրդի հայաստանյան միջեկեղեցական բարեգործական կլոր սեղան հիմնադրամի փորձագետների մասնակցությամբ:

20.07.2007թ. Ա.Դ.Սախարովի անվան մարդու իրավունքների պաշտպանության հայկական կենտրոնի տնօրենը դիմում է ներկայացրել “Հազարամյակի մարտահրավերներ –Հայաստան” ծրագրի Շահառուների խորհրդի կազմից դուրս գալու համար:

20.07.2007թ. Ի կատարում Հայաստանի Հանրապետության վարչապետ Սերժ Սարգսյանի  հանձնարարականի` ս.թ. հուլիսի 16-ին Հայաստանի Հանրապետության սոցիալական ապահովագրության պետական հիմնադրամում  խորհրդակցություն էր կազմակերպվել         “ՎՏԲ-Հայաստան բանկ” ՓԲԸ-ի շրջանային մասնաճյուղերից կենսաթոշակառուներին կենսաթոշակների վճարումների կարգավորման խնդրի կապակցությամբ:
   Խորհրդակցության ընթացքում ձեռք բերված պայմանավորվածության համաձայն Սախարովի կենտրոնը  քննարկվող հարցի վերաբերյալ իր առաջարկությունները  ներկայացրել է Կենսաթոշակային հիմնադրամ: