|
1.1. Քաղաքացիական հասարակության կառուցման հիմնախնդրին, իշխանության ճյուղերի ժողովրդավարացման հարցերին, ազգային օրենսդրությանը և միջազգային իրավունքի տարբեր ասպեկտներին նվիրված ֆակուլտատիվ պարապմունքների, դասախոսությունների թեմատիկ շարքի, սեմինարների և քննարկումների կազմակերպում շահառուների համար /միջնակարգ դպրոցների աշակերտներ և դասատուներ, փոքր քաղաքների ԲՈՒՀ-երի ուսանողներ և դասախոսներ, տեղական ՀԿ-ների ներկայացուցիչներ, գյուղական համայնքների բնակիչներ, տեղական կառավարման և ինքնակառավարման մարմինների ներկայացուցիչներ/:
1.2. Թեմատիկ հուշաթերթերի, բրոշյուրների և բուկլետների մշակում ու տարածում ազգային օրենսդրության, միջազգային իրավունքի համապատասխան ասպեկտների, Հանրապետությունում ձևավորված բացասական իրադրության /անդրազգային հանցավորության, տրաֆիկինգի և այլն/, ինչպես նաև Սախարովի կենտրոնի տարածաշրջանային մասնաճյուղերի գործունեության արդյունքների լուսաբանմամբ:
1.3. Տեղական ԶԼՄ-ների միջոցով հիմնախնդիրների հանրային քննարկումների կազմակերպում, որոնք վերաբերում են հասարակության անդամների և կառավարման կառուցվածքի տարբեր մակարդակների միջև իրավական, սոցիալ-տնտեսական և հասարակական-քաղաքական տարբեր ասպեկտներին:
1.4. Ուսումնական ձեռնարկների, ուսումնական պլանների և մեթոդական դրույթների մշակում` լուսավորչական գործունեության կանոնակարգման նպատակով:
1.5. Գյուղական համայնքներում և փոքր քաղաքներում տեղեկատվական կետերի կազմակերպում հագեցած համապատասխան գրականությամբ` նվիրված քաղաքացիական հասարակության կառուցմանը, ժողովրդավարության ինստիտուտների գործունեությանը, ազգային օրենսդրությանը և միջազգային իրավունքի համապատասխան նորմերին, ինչպես նաև ամսագրերով, աուդիո և տեսահոլովակներով և այլ տեղեկատվական միջոցներով:
|
