Սյունիքի տարածաշրջանային մասնաճյուղի մասին

“Ա.Դ. Սախարովի անվան մարդու իրավունքների պաշտպանության հայկական կենտրոն” հասարակական կազմակերպության Սյունիքի մասնաճյուղը հիմնադրվել է 1997 թվականի փետրվարի 3-ին Գորիս քաղաքում:

Այն՝ ՀՀ Արդարադատության նախարարությունում  վերագրանցվել է  2000 թվականի հունվարի 21 –ին (Վկայական թիվ 167): Հայաստանի Հանրապետության Պետական Ռեգիստրի կողմից, որպես իրավաբանական անձի առանձնացված ստորաբաժանում, հաշվառվել է 2003 թվականի օգոստոսի 20-ին (Վկայական 01Բ 000564):

Մասնաճյուղի առաքելությունն է

“Ա.Դ. Սախարովի անվան մարդու իրավունքների պաշտպանության հայկական կենտրոն” հասարակական կազմակերպության Սյունիքի մասնաճյուղը շահույթ և քաղաքական նպատակներ չհետապնդող կազմակերպություն է, որի առաքելությունն է՝ Սյունիքի մարզի տարածքում իրավապաշտպան,  լուսավորչական գործունեության և քաղաքացիական հասարակության զարգացման ճանապարհով աջակցել մարդու իրավունքների և ազատությունների ապահովմանը:

Մասնաճյուղի խնդիրներն են

• Մարդու իրավունքների պաշտպանության ապահովում և խրախուսում.
• Բնակչության իրավական իմացության մակարդակի բարձրացում.
• Մարզի նորաստեղծ հասարակական կազմակերպությունների կարողությունների զարգացում:

Մասնաճյուղի գործունեության հիմնական ուղղություններն են.

• Իրավապաշտպան գործունեություն                                    
• Լուսավորչական գործունեություն:

Մասնաճյուղը իրականացնում է

• քաղաքացիների իրավունքների պաշտպանություն,
• անվճար իրավաբանական ծառայությունների մատուցում բնակչության առավելապես սոցիալապես անապահով շերտերին
• ստեղծում և տարածում է ՀՀ առանձին նորմատիվ ակտերը լուսաբանող և դրանց մասին տեղեկացնող հուշաթերթեր,
• մարզի սկսնակ հասարակական կազմակերպությունների համար ՀԿ-ի կառավարման վերաբերյալ դասընթացների կազմակերպում և տեղեկատվական ծառայությունների մատուցում:

Մասնաճյուղի նախաձեռնությունները

 Մասնաճյուղի աշխատակազմի կողմից իրականացվել է ՝

• մարզի բնակչության միգրացիոն պատկերի վերաբերյալ տեղեկատվական                        բազայի ստեղծում
• 44 գյուղական համայնքների սոցիալ-տնտեսական կարիքների ուսումնասիրություն և բազայի ստեղծում
• աջակցություն ուսուցման համագործակցական մեթոդների տարածմանը և ներդրմանը մարզի ուսումնական հաստատություններում 

Մասնաճյուղը համագործակցում է

• մարզի 44 համայնքների տեղական ինքնակառավարման մարմինների և հանրակրթական դպրոցների հետ
• Սյունիքի մարզպետարանի իրավաբանական, կրթության, տեղական կառավարման վարչությունների հետ
• Հայաստանի Հանրապետությունում գործող բազմաթիվ հասարակական կազմակեր-պությունների և մարզի ԶԼՄ-ների հետ:

“Ա. Դ. Սախարովի անվան մարդու իրավունքների պաշտպանության հայկական կենտրոն” ՀԿ Սյունիքի մասնաճյուղ Հայաստանի Հանրապետություն, ք. Գորիս, Ավանգարդ փող. 4 Հեռ.: (+0284) 25077 Էլեկտրոնային փոստ: syunik@sakharovcenter.org