Գեղարքունիքի տարածաշրջանային մասնաճյուղի մասին

Ա. Դ. Սախարովի անվ. մարդու իրավունքների պաշտպանության հայկական կենտրոնի Գեղարքունիքի տարածաշրջանային մասնաճյուղն իր գործունեությունը սկսել է 1997 թ. հունվարից:

Իր գործունեության ընթացքում մասնաճյուղին հաջողվել է նպաստել Գեղարքունիքի մարզում մարդու իրավունքների պաշտպանության որակական մակարդակի բարձրացմանը:

Մասնավորապես շուրջ 40 փախստականաբնակ համայնքներում իրականացված քառամյա աշխատանքների շնորհիվ ՀՀ քաղաքացիություն ընդունելու գործընթացում կազմակերպչական օգնություն են ստացել Գեղարքունիքի մարզի շուրջ 2500 փախստականներ:

2001-2007 թթ. ընթացքում իրավաբանական անվճար խորհրդատվություն է տրամադրվել 6005 անձանց, փաստաբանական անվճար օգնություն` 129 անձանց, իրենց իրավունքների պաշտպանության հարցերով օգնություն ստացել շուրջ 618  դիմումատուներ: 2001-2003 թթ. ընթացքում նյութական օգնություն են ստացել 775 անձինք:

Հարկ է ընդգծել, որ 2002-2003 թթ. ընթացքում Վարդենիսի վարչատարածքի համայնքներում 2002 թվականին հայտնաբերված երեխաների ծննդյան չգրանցման 339 դեպքերի ահազանգման և իրականացված աշխատանքների շնորհիվ լուծվել է  այդ խնդիրը:

Համայնքների զարգացմանն աջակցելու նպատակով 2002-2004 թթ. ՄԱԿ ՓԳՀԳ-ի աջակցությամբ մասնաճյուղի կողմից ֆինանսավորվել են երեք փոքր դրամաշնորհային առաջարկներ`

• Խաչաղբյուր-Գեղաքար 7 կմ ճանապարհի վերանորոգում (Վարդենիսի վարչատարածք),
• Այգուտի դպրոցի ընթացիկ վերանորոգում (Ճամբարակի վարչատարածք),
• Կուտականի դպրոցում համակարգչային սենյակի և տեղեկատվական կենտրոնի ստեղծում (Վարդենիսի վարչատարածք):

Ա. Դ. Սախարովի անվ. մարդու իրավունքների պաշտպանության հայկական կենտրոնի Գեղարքունիքի տարածաշրջանային մասնաճյուղ Հայաստանի Հանրապետություն, ք. Գավառ, Գր.Լուսավորիչ փող. 14/27 Հեռ.: (+0264) 26880 Էլեկտրոնային փոստ: sakhgavar@yandex.ru